साबित्रा पौडेल, मंसिर ११ गुल्मी
सुनको भाउले नयाँ रेकर्ड कायम गरेको छ।
सुनको मूल्य अहिले सम्मको उच्च अर्थात प्रतितोला एक लाख १७ हजार ४ सय रुपैयाँमा पुगेको छ।
यसअघि गएको कात्तिक १२ गते सुनको भाउ बढेर तोलामा १ लाख १७ हजार रुपैयाँमा पुगेको थियो ।
अन्तर्राष्ट्रिय बजारमा नै सुनको भाउ बढेको हुनाले नेपाली बजारमा पनि भाउ बढेको नेपाल सुन चाँदी व्यवसायी महासङ्घका अध्यक्ष माणिकरत्न शाक्यले बताउनुभयो । उहाँका अनुसार भाउ अझै बढ्न सक्ने अनुमान छ।
यस्तै, चाँदीको भाउ पनि अहिलेसम्मकै महँगो भएको छ। चाँदीको भाउ बढेर आज तोलाको १ हजार ५ सय रुपैयाँमा पुगेको छ ।