साबित्रा पौडेल, कार्तिक १० गुल्मी ।
सत्सँस्कार जागरण एवम् रुरुक्षेत्र धामबासीको आयोजनामा गुल्मीको रिडीमा दीप प्रज्वलन र रुरुक्षेत्र धाम परिक्रमा कार्यक्रम हुने भएको छ । गुल्मी,पाल्पा र स्याङ्जाको संगमस्थल तथा नेपालकै चार धाम मध्येकै एक धाम रुरुक्षेत्र धाम रिडीमा गोपा अष्टमीको अवसरमा दीप प्रज्वलन र रुरुक्षेत्र धाम परिक्रमा कार्यक्रम हुने भएको हो ।
कार्यक्रम यही कार्तिक २४ गते गोपा अष्टमीदेखी सुरु हुनेछ भने कार्तिक २४ गते नै रुरुक्षेत्र धाम परिक्रमा, कार्तिक २७ गते बिहीवार एकादशीको दिन दीप प्रज्वलन तथा कार्तिक २८ गते शुक्रबार द्वादशीको दिन रथयात्रा हुने स्वामी श्री जगदीश प्रपन्नाचार्यले जानकारी दिनुभयो ।
रुरुक्षेत्र धाम रीडीमा हुने कार्यक्रममा जोकोहिले पनि सहभागिता जनाउन सक्ने उहाँको भनाइ छ ।
