साबित्रा पौडेल, कार्तिक ९ गुल्मी ।
गुल्मीको रुरु क्षेत्र धाम रिडीमा यही कार्तिक १४ गते भैलेनी आइन आँगन साँझ भाग १६ हुने भएको छ।
फ्रेन्ड्स क्लब रिडीको आयोजनामा हुन लागेको भैलेनी आइन आँगन साँझ भाग १६ रुरु क्षेत्र गाउँपालिका वडा नम्बर १ रिडीको रिडी बसपार्कमा कार्तिक १४ गते कागतिहारको दिन साँझ ७ बजेदेखि सुरु हुनेछ।
शुभ दीपावलीको अवसर पारी कला संस्कृतिको संरक्षण गर्दै पर्यटन प्रवर्धन गर्ने उद्देश्यका साथ कार्यक्रमको आयोजना गरिएको क्लबका अध्यक्ष प्रयास कसजुले जानकारी दिनुभयो ।
भैलेनि आइन आगन साँझ भाग १६ मा लोकप्रिय गायक सुनिल गिरी, गायिका प्रतीक्षा कुँवर, डान्सर बबिता धिताल लगायत थुप्रै कलाकारहरूको बेजोड सांगीतिक प्रस्तुति रहनेछ।
कार्यक्रमबाट बचत भएको रकमले रुरुक्षेत्र धाम रिडीमा धार्मिक, पर्यटकीय, सामाजिक कार्य सँगसँगै असहाय व्यक्तिहरुलाई सहयोग गरिने कार्यक्रम संयोजक सुवास कक्षपतिले जानकारी दिनुभयो ।
फ्रेन्ड्स क्लब रिडीले शुभ दीपावलीको अवसरमा प्रत्येक वर्ष भैलेनि आइन आँगन साँझको आयोजना गर्दै आइरहेको छ ।