कार्तिक ६, गुल्मी ।
पेट्रोल भरी स्टार्ट गर्ने क्रममा गुल्मीको सदरमुकाम तम्घासमा एक्कासी मोटरसाइकलमा आगलागी हुँदा जलेर पूर्ण रुपमा नष्ट भएको छ । आज सदरमुकाम तम्घासमा पेट्रोल भरी स्टार्ट गर्ने क्रममा लु ८ प १०५३ नम्बरको १५० सिसिको पल्सर मोटरसाइकलमा एक्कासी आगलागी भएको हो ।
उक्त मोटरसाइकल गुल्मीदरबार गाउँपालिका-४ का ३० वर्षीय कृष्ण बुचाको रहेको पाइएको जिल्ला प्रहरी कार्यालय गुल्मीले जनाएको छ । जिल्ला प्रहरी कार्यालयबाट प्रहरी निरिक्षक राम कुमार केसीको कमाण्डमा खटिएको प्रहरी टोलीले मोटरसाइकलमा लागेको आगो नियन्त्रणमा लिएको छ । भने मोटरसाइकल जलेर पुणर्रुपमा क्षति भएको छ ।
मोटरसाइकलमा के कारणले आगो लागेको हो भनी नखुलेको र घटनाबारे थप अनुसन्धान भईरहेको जिल्ला प्रहरी कार्यालय गुल्मीले जनाएको छ ।