साबित्रा पौडेल, मंसिर ६ गुल्मी ।
गुल्मीको रुरुक्षेत्र गाउँपालिकाले एकीकृत घुम्ती शिविर सञ्चालन गर्ने भएको छ । गाउँ कार्यपालिकाको गत कार्तिक २७ गतेको निर्णयअनुसार कार्यालयबाट प्राप्त हुने सेवालाई जनताको घरदैलोमा पुर्याउने उद्देश्यले शिविरको आयोजना गरिएको गाउँपालिकाले जनाएको छ ।
यही मंसिर १६ गते गाउँपालिकाको १ नं वडाबाट सञ्चालन गरिने शिविर गाउँपालिकाका सबै वडामा सञ्चालन गरिने गाउँपालिकाका प्रमुख प्रशासकिय अधिक्रित लक्ष्मण पाण्डेले जानकारी दिनुभयो ।
जसअन्तर्गत मंसिर १७ गते २ नं वडा कार्यालय ग्वादिमा सेवा प्रदान गरिनेछ । यस्तै मंसिर १८ गते ३ नं वडा कार्यालय थानपती, मंसिर १९ गते ४ नं वडा कार्यालय बलेटक्सार, मंसिर २० गते ५ नं वडा कार्यालय बम्घा र मंसिर २१ गते ६ नं वडा कार्यालय रिमुवाबाट सेवा प्रदान गरिने गाउँपालिका धयक्ष यदु ज्ञवालिले जानकारी दिनुभयो ।
शिविरमा योजना सम्झौता, व्यवसाय दर्ता त्यहाँ नविकरण, अपाङ्गता परिचयपत्र वितरण, ज्येष्ठ नागरिक परिचयपत्र वितरण, स्वास्थ्य परिक्षण, माटो परिक्षणको लागि नमुना संकलन एवम् कृषि तथा पशुपंक्षी सम्बन्धी सेवा लगाय्त विविध सेवा उपल्बध गराइनेछ ।