असार ६, गुल्मी ।
गुल्मीको गुल्मीदरबार गाउँपालिकाले “आँगनमा फूलबारी, कौशिमा मौरी घारी, घरपछाडी करेसाबारी” कार्यक्रम सञ्चालन गर्ने भएको छ ।
गुल्मीदरबार गाउँपालिका गाउँसभाको सत्रौँ अधिवेशनमा गाउँपालिका अध्यक्ष सरोज कुमार थापाले आज प्रस्तुत गरेको आर्थिक वर्ष २०८२/०८३ को नीति तथा कार्यक्रममा गाउँपालिकाले आगामी आर्थिक वर्षदेखि “आँगनमा फूलबारी, कौशिमा मौरी घारी, घरपछाडी करेसाबारी” कार्यक्रमको सुरुवात गरिने नीति तथा कार्यक्रममा उल्लेख छ ।