साबित्रा पौडेल, भदौ ४ गुल्मी ।
पहिरोले गोठ पुरिँदा अर्घाखाँचीमा एक जनाको मृत्यु भएको छ । आज बिहान परेको अविरल वर्षाका कारण जिल्लाको शितगंगा नगरपालिका-१३ सिमलपानीको भंङ्गलामा पहिरोले गोठ पुर्दा गोठभित्र रहेका एक जनाको मृत्यु भएको हो ।
मृत्यु हुनेमा सोही ठाउँका ३५ वर्षीय विष्णु थापाको रहेका छन । थापा पहिरो खस्न थालेपछि गोठभित्र रहेका पशुचौपाया फुकाउन गोठमा पसेका थिए
।
त्यसलगत्तै पहिरो खसेको थियो ।
गोठमा पसेका थापालाई पहिरोले च्याप्दा घटनास्थलमै थापाको मृत्यु भएको इलाका प्रहरी कार्यालय ठाडाले जनाएको छ। यसैबिच, एक भैँसीको पाडो र दुई बाख्रा समेत च्यापिएका र निकाल्ने प्रयास भैरहेको छ ।