साबित्रा पौडेल, भदौ ४ अर्घाखाँची ।
रुपन्देहीको बुटवलमा सडक दुर्घटना हुँदा एक अर्घाखाँचीकी एक युवतीको मृत्यु भएको छ । गएराती मुर्गियाबाट बुटवल आउँदै गरेको लु ८७ प ४५७३ नम्बरको स्कुटर, बुटवलबाट पश्चिमतर्फ जाँदै गरेको लु १ च ६७८३ नम्बरको बलेरो जिप र बँदेल पोखरीबाट महेन्द्र राजमार्गमा निस्कँदै गरेको नंबर नखुलेको मोटरसाइकल एकआपसमा ठोक्किदा दुर्घटना भएको हो ।
दुर्घटनामा परी मृत्यु हुनेमा अर्घाखाँचीको सन्धिखर्क नगरपालिकामा घर भइ अहिले बुटवल उपमहानगरपालिका-११ देवीनगर बस्दै आएकी २७ वर्षीया सुश्मा श्रेष्ठ रहेकी छन ।
की श्रेष्ठलाई बुटवल उपमहानगरपालिका-१२ मा नम्बर नखुलेको मोटरसाइकलले ठक्कर दिएको थियो । मोटरसाइकलको ठक्करबाट अनियन्त्रित भएको स्कुटर लु १ च ६७८३ नम्बरको बलेरो जिपमा ठोक्किएको थियो ।
दुर्घटनामा उनी गम्भिर घाइते भएकी थिइन । उनलाई उपचारका लागि अस्पताल लैजादै गर्दा बाटैमा मृत्यु भएको जिल्ला प्रहरी कार्यालय रुपन्देहीले जनाएको छ ।