चैत ७, शान्तिपुर गुल्मी।
कृष्ण प्रसाद गौतम/ पवन पोख्रेल ।
चन्द्रकोट गाउँपालिकाको आयोजना तथा पालिकाभित्र कार्यक्षेत्र बनाई वित्तिय कारोवार गर्ने बैंकको समन्वयमा वित्तीय तथा डिजिटल साक्षरता कार्यक्रम सन्चालन भएको छ ।
चैत ५ गते सोमबारबाट “Protect Your Money, Secure Your Future” (तपाईंको पैसा सुरक्षित गर्नुहोस् तपाईंको भविष्य सुरक्षित गर्नुहोस) भन्ने मूल नाराका साथ १२ औ Global Money week-GMW अन्तर्गत वित्तीय तथा डिजिटल साक्षरता कार्यक्रम सुरु भएको हो ।
गाउँपालिका अध्यक्ष युवराज खत्री क्षत्रीको अध्यक्षता, उपाध्यक्ष विष्णु प्रसाद भण्डारीको बिशेष आतिथ्यता, निमित्त प्रमुख प्रशासकीय अधिकृत प्रकाश चन्द्र शर्मा, बैंक तथा वितिय संस्थाका प्रबन्धक तथा प्रतिनिधिहरू, चन्द्रकोट क्याम्पसका प्राध्यापकहरुको आतिथ्यता तथा करिव ३५ जना विद्यार्थी एवं कर्मचारीहरूको उपस्थितिमा कार्यक्रम शुभारम्भ गरिएको थियो।
विद्यार्थीहरुलाई लक्षित गरि संचालन भएको कार्यक्रम मंगलबार बिहान चन्द्रकोट गाउँपालिका वडा नं ८ तुराङ्गमा रहेको मानका टिकाराम बहुमुखी क्याम्पसका बिद्यार्थी तथा तुराङ्ग बहुप्राबिधिक शिक्षालयका करिव ६५ जना बिधार्थीहरु साथै वडा नं ५ ग्वाघाको ग्वाघा माध्यमिक बिद्यालयमा अध्ययनरत कक्षा ११ र १२ का करिव ४० जना बिधार्थिहरुको लागि संचालन गरिएको छ।
यस्तै आज चन्द्रकोट गाउँपालिका वडा नं २ विश्वखर्कको सरस्वति माध्यमिक बिद्यालयमा अध्ययनरत कक्षा ११ र १२ का करिव ४० जना बिधार्थिहरुको लागि संचालन गरिएको थियो ।
उक्त सप्ताह ब्यापी कार्यक्रमको शुभारम्भ गर्दै गाउँपालिका अध्यक्ष युवराज खत्री क्षेत्रीले यस कार्यक्रमले बालबालिका तथा युवाहरुको लागि वितिय योजना निर्माण तथा बचत गर्न तथा डिजिटल प्रविधिको प्रयोग गरि वित्तीय कारोबार सावधानीपुर्वक गर्न सहयोग पुर्याउने बताउनुभयो। वहाँले यस्तो किसिमको कार्यक्रम आवश्यकता अनुसार जुनसुकै बेला गर्न सकिने बताउनुभएको छ ।
कार्यक्रमको सहजीकरण चन्द्रकोट गाउँपालिका भित्र कार्यक्षेत्र बनाई वित्तिय कारोवार गर्ने बैंकले तोकिएको स्थानमा गरेका थिए । अभियान मार्च २४ अर्थात् चैत्र ११ गतेसम्म संचालन हुनेछ ।