साबित्रा पौडेल, मंसिर ४ गुल्मी ।
पब्लिक लुम्बिनी युनाईटेड हस्पिटल प्रा.ली खर्ज्याङ्ग गुल्मीमा एकैदिन तीन जना विशेषज्ञ डाक्टर बिरामीको चेकजाँच तथा उपचारका लागि आउनुहुने भएको छ ।
पब्लिक लुम्बिनी युनाईटेड हस्पिटल प्रा.ली छत्रकोट गाउँपालिका ५ खर्ज्याङ्ग गुल्मीमा लुम्बिनी मेडिकल कलेज प्रभास पाल्पामा कार्यरत हाडजोर्नी तथा नसारोग विशेषज्ञ डाक्टर विकास काफ्ले, स्त्री तथा प्रजनन रोग विशेषज्ञ डाक्टर सोनि रौनियार गुप्ता र पेट तथा छाति रोग विशेषज्ञ डाक्टर हिमाल घिमिरे बिरामीको चेकजाँच तथा उपचारका लागि आउनुहुने भएको हो ।
लुम्बिनी मेडिकल कलेज प्रभास पाल्पा कार्यरत तिनै जना विशेषज्ञ डाक्टरहरु यही मंसिर ५ गते बुधवार एक दिनको लागी मात्रै आउनुहुने हस्पिटलका अध्यक्ष तथा संचालक सरोज पाण्डेले बताउनुभयो ।
त्यस दिन हाडजोर्नी तथा नसारोग, स्त्री तथा प्रजनन रोग र पेट तथा छाति रोगका बिरामीहरुले सम्पर्क गरि स्वास्थ्य सम्बन्धि सेवा लिन सक्नुहुने अस्पातलका कोडीनेटर नारायण प्रसाद अर्यालले बताउनुभयो ।
गुल्मीको छत्रकोट, गुल्मीदरबार र रुरुक्षेत्र गाउँपालिका, अर्घाखाँचीको छत्रदेव र पाणिनी गाउँपालिका तथा पाल्पाको रैनादेवी छहरा गाउँपालिकाका नागरिकलाई सेवा प्रदान गर्ने उद्देश्यका साथ पब्लिक लुम्बिनी युनाईटेड हस्पिटल प्रा.लीको गत पौष १४ गते उद्घाटन गरिएको थियो ।
अस्पातलले विभिन्न समयमा विशेषज्ञ शिविरको आयोजना गर्दै आइरहेको छ ।