चैत ५ ,गुल्मी ।
गुल्मीको छत्रकोट गाउँपालिका १ हुँगामा महिला सम्बन्धी स्वास्थ्य शिविर सम्पन्न भएको छ । गाउँपालिकाको स्वास्थ्य शाखाको आयोजनामा आईतबार हुँगा स्वास्थ्य चौकी हुँगामा शिविर सम्पन्न भएको हो ।
शिविरमा ४०१ जनाले सेवा लिएका छन । जसमध्ये पाठेघरको मुखको स्क्रिनीङ सेवा ५७ जनाले लिएका छन । यस्तै लामो समयको गर्भान्तर ईम्प्लान्ट सेवा १० जना र आई.यु.सि.डि. सेवा १ जनाले लिएका स्वास्थ्य शाखा प्रमुख श्याम सुन्दर पोखरेलले बताउनुभयो ।
रिङ पेसरी सेवा २ जना तथा भि.डि.यो एक्सरे सेवा १३५ जना र महिला रोग सम्बन्धी सेवा १९६ जनाले लिएका स्वास्थ्य शाखा प्रमुख पोखरेलले बताउनुभयो ।
शिविरमा हे.अ.बालाराम रजाली,स्वास्थ्य चौकी प्रमुख हेमा खप्तरी ,अ.हे.व.राघबेन्द्र कुमार मिश्र,अ.न.मी. गीता गाहा,का.स. सीता न्यौपाने,स्थानीय सामुदायिक महिला स्वास्थ्य स्वयम् सेविकाले सेवा पुर्याउनु भएको थियो ।
शिविरको सहजिकरण सि.अ.हे.व. सपना टण्डनले गर्नुभएको थियो भने डाक्टर बिवेक विराट खनालले शिविरको बारेमा जानकारी गराउनुभएको थियो ।
समग्र शिविरको व्यवस्थापन स्वास्थ्य शाखा प्रमुख पोखरेलले गर्नु भएको थियो ।
सम्पन्न शिविरमा का.वा वडा अध्यक्ष जीवन भण्डारी लगायतका जनप्रतिनिधिहरुको उपस्थिति रहेको थियो । का.वा वडा अध्यक्ष भण्डारीले महिलाको स्वास्थ्यलाई ध्यानमा राखि शिविर संचालन गरिएको र लक्षित वर्गले शिविरको अधिकतम उपयोग गर्नुपर्ने बताउनुभएको थियो ।
शिविर उत्साहजनक रुपमा सफल भएको स्वास्थ्य शाखा प्रमुख पोखरेलले बताउनुभयो ।