साबीत्रा पौडेल,गुल्मी।
गुल्मीमा ५ दिनसम्म खेलकुद तथा सांस्कृतिक कार्यक्रम हुने भएको छ।
झमादी युवा क्लवद्वारा आयोजित “प्रथम झमादी भलिवल प्रतियोगिता २०८०” यहीँ मंसिर १ गतेदेखी ५ गतेसम्म जिल्लाको रुरुक्षेत्र गाउँपालिका -३ झमादिमा रहेको प्रेम बिष्णु प्राथमिक बिधालयको प्राङ्गणमा हुने भएको हो।
हिन्दू नेपालीहरुको दोस्रो ठुलो महान चाड शुभ दिपावली तथा छठ पर्वको अवसर पारी खेलकुद तथा विविध कार्यक्रमको आयोजना गरिएको आयोजकले जनाएको छ।
भलिवल प्रतियोगिता को लागि दर्ता शुल्क नगद ३००५ रुपैया लाग्ने र यही कार्तिक ३० गतेभित्र दर्ता गराईसक्नु पर्ने खेल संयोजक मानबहादुर क्षेत्रीले बताउनु भयो।
प्रतियोगितामा प्रथम हुनेले नगद रु ३०,००५, द्दितियले नगद २०,००५ र तृतीय हुनेले नगद १०,००५ का साथै ट्रफी,मेडल र प्रमाणपत्र प्रदान गरिने खेल संयोजक क्षेत्रिले जानकारी दिनुभयो।
यस्तै, बेस्ट स्पाईकर,बेस्ट सेटर, बेस्ट डीफेन्डर र बेस्ट प्लेयर लाई मेडल र प्रमाणपत्र प्रदान गरिने छ।
खेल टिटि सिस्टमा खेलाइने र खेलमा अंकित जर्सी हुनुपर्ने क्लबका अध्यक्ष जनक नेपालीले बताउनुभयो।