चैत्र १ , गुल्मी ।
गुल्मीको छत्रकोट गाउँपालिकामा महिलालाई लक्षित गरि स्वास्थ्य शिविर संचालन सुरु भएको छ । बुधवारदेखी सुरु भएको शिविरको दोस्रो दिन आज खर्ज्याङ्गमा महिला सम्बन्धी स्वास्थ्य शिविर सम्पन्न भएको छ ।
आज खर्ज्याङ्गमा सम्पन्न भएको शिविरमा २०६ जना महिलाले सेवा लिएका छन।
शिविरमा पाठेघरको मुखको क्यान्सर स्क्रिनिङ्ग सेवा ३४ जनाले लिएका छन । यस्तै , लामो समयको गर्भान्तर इम्पलान्ट सेवा ५ जना, रिङ पेसरी सेवा २ जनाले लिएका छन । भने भि.डि.यो एक्सरे सेवा ७० जना र महिला रोग सम्बन्धी सेवा लिएका ९५ जनाले लिएका छन ।
शिविरमा डा विवेक बिराट खनालले भिडियो एक्सरे सेवा प्रदान गर्नुभएको थियो भने डाक्टर ओमकला सोमरे र समिक्षा पन्थले VIA सेवा , सिनियर अ.न.मी अधिकृत भगवती ज्ञवालीले लामो समयको गर्भान्तर सेवा ईम्प्लान्ट सेवा र शिविरमा सि.अ.हे.व.अधिकृत युवराज पाण्डे,हे.अ.बिष्णु रजाली,सि.अ.न.मी. राधा पाण्डे,अ.हे.व सरस्वती शर्मा ,ल्याव असिस्टेन्ट अनिता अर्याल,मदन घर्ती स्थानीय सामुदायिक महिला स्वास्थ्य स्वयम् सेविकाले सेवा दिनुभएको थियो
शिविरको उद्घाटन वडा सदस्य उर्मिला आचार्यले गर्नुभएको थियो भने डाक्टर विवेक बिराट खनालले महिला सम्बन्धी शिविरको बारेमा जानकारी गराउनुभएको थियो ।
शिविर कार्यक्रमको सहजिकरण सि.अ.हे.व. सपना टण्डन गर्नुभएको थियो । शिविरको व्यवस्थापन स्वास्थ्य शाखा प्रमुख श्याम सुन्दर पोखरेलले गर्नुभएको थियो ।
यसैबिच हिजो दौघामा सम्पन्न शिविरमा १४५ जना महिलाले सेवा लिएका थिए ।
बुधवारदेखी सुरु भएको शिविर भोली (चैत्र २ गते) हर्दिनेटा स्वास्थ्य चौकी हर्दिनेटामा संचालन हुनेछ ।
यस्तै चैत्र ३ गते बोखर सामुदायिक स्वास्थ्य इकाई र चैत्र ४ गते हुँगा स्वास्थ्य चौकी हुँगामा संचालन हुने स्वास्थ्य शाखा प्रमुख पोख्रेलले बताउनुभयो ।