साबित्रा पौडेल, गुल्मी /बिजया दशमी तथा शुभ दिपावलीको पावन अवसर पारी गुल्मीको सत्यवती गाउँपालिका ८ भार्सेमा वडा स्तरीय पुरुष भलिबल तथा विबिध साँस्कृतिक कार्यक्रम हुने भएको छ।
फ्रेन्डसीप युवा क्लब भार्से गुल्मीले आफ्नो २० औं बार्षिक उत्सव पारी यहीँ कार्तिक १० गतेदेखि १४ गतेसम्म दुबुङ आधारभुत विधालयको खेल मैदानमा वडा स्तरिय पुरुष भलिवल प्रतियोगिताको साथमा भाले छोपाइ प्रतियोगिता,म्युजिकल चियर प्रतियोगिता,घैटोफोर प्रतियोगिता तथा विविध साँस्कृतिक कार्यक्रमको आयोजना गरेको हो।
वडा स्तरिय पुरुष भलिबल प्रतियोगीमा प्रथम हुनेलाइ नगद रु.३०,०० कप, मेडल र प्रमाणपत्र प्रदान गरिने क्लबका अध्यक्ष यम बहादुर श्रीसले बताउनु भयो।
यस्तै द्दितिय हुनेले नगद २०,०० कप,मेडल र प्रमाणपत्र तृतीयले नगद १०,००० कप,मेडल र प्रमाणपत्र र सान्त्वना हुनेले नगद ५,००० सहित प्रमाणपत्र प्रदान गर्नेछन।
यस्तै भाले छोपाइ प्रतियोगितातर्फ प्रथम हुनेलाई कुखुराको भाले प्रदान गरिने श्रीसले बताउनु भयो।
प्रतियोगितामा म्युजिकल चियर तथा घैटोफोर प्रतियोगितातर्फ प्रथम हुनेले नगद १,०५५ प्रदान गर्ने अध्यक्ष श्रीसले बताउनुभयो।
वडा स्तरिय भलिबल प्रतियोगिताको लागि दर्ता शुल्क नगद २,००० लाग्ने क्लबका सचीव ढाका थापाले बताउनुभयो।
खेल प्रचलित टि.टि सिस्टममा खेलाइने र खेलमा जर्सी अनिवार्य हुनुपर्ने आयोजकले जनाएको छ।