कालिदास आत्रेय, कार्तिक २७ गुल्मी ।
नेपाल राष्ट्रिय माध्यमिक विद्यालय छत्रकोट ६, दौघा गुल्मीमा एक कार्यक्रम बिच अक्षयकोष खडा गरिएको छ।
छत्रकोट गाउँपालिका वडा न. ६ दौघामा जन्म भै हाल वुटवल उपमहानगर पालिका वडा न. ८ सुख्खानगर निवासी यश विद्यालयका भु पु प्र.अ.भिमार्जुन ज्ञवालीले आफ्ना स्वर्गीय मातापिता र दाजुको स्मृतिमा रु. ५ लाख ५५५ को स्व. कुल प्रसाद ज्ञवाली , स्व. दुर्पता ज्ञवाली र स्व. मोतिराज ज्ञवाली स्मृति अक्षयकोष खडा गर्नुभएको हो ।
उक्त रकमको मुल धन शाइन रेसुङ्गा डेभलपमेन्ट बैंकमा मुद्द्ती कोषमा राखिने र उक्त रकमको ब्याजबाट विद्यालयका जेहेन्दार विद्यार्थीहरुलाई बर्सेनि पुरस्कार वितरण गर्ने उद्देश्यका साथ अक्षयकोष स्थापना गरिएको हो। अक्षयकोषको ब्याजबाट हरेक बर्ष विद्यालय प्रथम छात्र १, छात्रा १, विद्यालय द्वितीय छात्र १, छात्रा१, कक्षा ८ मा सर्बोत्कृष्ट १ जना र एस.इ.इ. मा सर्बोत्कृष्ट १ जना गरि ६ जनालाई पुरस्कार वितरण गरिने छ।
विद्यालय व्यवस्थापन समिति अध्यक्ष गणेश प्रसाद ज्ञवालीको अध्यक्षतामा सम्पन्न कार्यक्रमका प्रमुख अतिथी संविधान सभा सदस्य नेत्र प्रसाद पन्थी रहनु भएको थियो । त्यसैगरी विशिष्ट अतिथिमा अक्षयकोषका सस्थापक भिमार्जुन ज्ञवाली रहनु भएको थियो ।
छत्रकोट ६ दौघाका वडा अध्यक्ष नारायण रेस्मी , पुर्ब वडा अध्यक्ष थम्मन ज्ञवाली लगायतको आतिथ्यता रहेको थियो । विद्यालयका शिक्षक लक्ष्मण ज्ञवालीको स्वागत मन्तव्य रहेको कार्यक्रममा पूर्ब विद्यालय व्यवस्थापन समिति अध्यक्ष लोक बहादुर ज्ञवाली, विशिष्ट अतिथी भिमार्जुन ज्ञवाली र प्रमुख अतिथी नेत्र पन्थी ले मन्तव्य राख्नुभएको थियो ।
आफू बसाई सराई गरेर गएपनी आफ्नो जन्मभूमि र आफुले अध्यापन गरेको विद्यालयको स्मरण गरेर यति ठुलो धनराशिको अक्षयकोष स्थापना गरेकोमा भू. पू. प्र.अ. ज्ञवालीको स्थानीयहरुले मुक्त कण्ठले प्रसम्शा गरेका छन। साथै विद्यालयले मायाको चिनो सहित सम्मान गरेको छ। कार्यक्रमको सन्चालन विद्यालयका शिक्षक युवराज काफ्लेले गर्नुभएको थियो ।