कार्तिक २८ , बाग्लुङ ।
बागलुङको जैमिनी नगरपालिका–८ छिस्तीबाट सदरमुकाम बागलुङ बजार आउँदै गरेको पीकअप भ्यान दुर्घटना हुँदा मृत्यु भएका पाँचै जनाको सनाखत भएको छ ।
जैमिनी नगरपालिका वडा नं. ७ जैदी र छिस्तीको सिमाना व्यार्थला नजिकै दुर्घटना हुँदा पाँच जनाको मृत्यु भएको थियो ।
मृत्यु हुनेमा जीपका चालक बागलुङ जैमिनी–८ छिस्तीको केवईका ३८ बर्षिय महेन्द्र पुन, सोही ठाउँका २० बर्षिया रश्मी श्रीष, ५० बर्षिया नन्दकली पुन, १७ बर्षिय निरज श्रीष र ७५ बर्षिय कुल प्रसाद श्रीष रहेका छन् ।
ग २ च ९२४७ पीकपअ भ्यान सडकदेखी पाँच सयमिटर भन्दा धेरै तल खसेको प्रहरी निरीक्षक केशव थापाले बताए । दुर्घटनामा घाईते भएकासोही ठाउँका ४५ बर्षिय गंगा बहादुर श्रीष शरिरको बिभिन्न भागमा चोट लागेको छ । उनलाई उपचारका लागि धौलागिरी अस्पताल लगिएको छ । उनको उपचार जारी छ ।