गुल्मीको धुर्कोट ६ धुरमा खुल्ला वडा स्तरीय पुरुष भलिबल प्रतियोगिता सम्पन्न

बासुदेव पोख्रेल, कार्तिक २२ गुल्मी ।

धुर्कोट गाउँपालिका वडा नम्बर ६, धुर्कोट रजस्थलमा रहेको धुर्कोट युवा क्लबको आयोजनामा खुल्ला वडा स्तरीय पुरुष भलिबल प्रतियोगिता सम्पन्न भएको छ। क्लबले आफ्नो चौथो वार्षिकोत्सवको अवसरमा कार्तिक २० गतेदेखि सुरु गरिएको उक्त प्रतियोगितामा १२ टिमको सहभागिता रहेको थियो।

प्रतियोगितामा पहिलो स्थान रोयल हाडहाडे युवा क्लब धुर्कोट–३ हाडहाडेले प्राप्त गर्‍यो भने दोस्रो स्थान नव परिवर्तनशील युवा क्लब धुर्कोट–७ बाग्लेले हासिल गर्‍यो। तेस्रो स्थानमा राजकुमार स्मृति युवा क्लब वडा नम्बर २, पिपलधारा रह्यो। विजेताहरुलाई क्रमशः २० हजार, १५ हजार, र १० हजार रुपैयाँ नगद पुरस्कारसहित कप, मेडल र प्रमाणपत्र प्रदान गरिएको थियो।

कार्यक्रममा गाउँपालिका अध्यक्ष तथा प्रमुख अतिथि भुपाल पोखरेलले खेलकुदमा खेलाडीहरूको उत्साह र मनोबल वृद्धिमा सहयोग पुर्‍याउने खालका प्रोत्साहनका कुरा गर्नुभयो। विशेष अतिथि तथा गाउँपालिका उपाध्यक्ष सीता गिरीले खेलकुदको विकासको आवश्यकताबारेमा जोड दिनुभयो। कार्यक्रम क्लबका अध्यक्ष रमेश पाण्डेको अध्यक्षतामा सम्पन्न भएको थियो। प्रमुख अतिथि पोखरेल र विशेष अतिथि गिरीसँगै विभिन्न संघसंस्थाका प्रमुख, राजनीतिक प्रतिनिधि, शिक्षक, खेलप्रेमी, समाजसेवी, बुद्धिजीवी तथा स्थानीयहरूको उपस्थिति रहेको थियो।

कार्यक्रमको सञ्चालन क्लबका सचिव खड्काले गर्नुभएको थियो। साथै, क्लबले आफ्नो वार्षिकोत्सवको अवसरमा घौंटोफोर कार्यक्रम तथा क्लबका सदस्यहरूले नृत्य प्रस्तुति समेत गरी मनोरञ्जन प्रदान गरेका थिए।

Leave a Reply

Your email address will not be published. Required fields are marked *