सुदर्शन पन्थ, असोज २१ गुल्मी । गुल्मीको छत्रकोट गाउँपालिकामा दिउँसै घरमा राखिएको नगद र केही महत्त्वपूर्ण कागजपत्र चोरी भएको छ ।
सोमबार छत्रकोट गाउँपालिका-३ काभ्रेमा बस्दै आउनु भएकि पेमा झाँक्रीको घरबाट दिउँसो ४ बजे आसपासको समयमा ६० हजर नगद , नगरिकता , स्वास्थ्य बिमाको कार्ड र जग्गाधनी लालपुर्जा चोरी भएको हो ।
आफू घर नजिकै बिहेमा गएको मौका छोपी चोर घरमा पसको हुनु पर्ने पेमाको भनाइ छ। चोरीको खबर पाउनसाथ श्रिङ्गा प्रहरी चौकीको टोलि पेमाको घरमै पुगेर अनुसन्धान सुरु गरेको छ। चोरी कस्ले गर्यो भन्ने अझै पत्ता लाग्न सकेको छैन ।
आउँदै गरेको दशैँको बेलामा विभिन्न बहान बनाएर गाउँ छिर्ने अपरिचित मान्छेबाट सजक हुन र चोर पत्ता लगाउने कुरामा आफुहरुलाई सहयोग गर्न स्थानीयहरुलाई प्रहरीले अनुरोध गरेको छ ।
साथै दसैं तिहार जस्ता चाडपर्व भित्रिएको यो समयमा बिगतका वर्षहरुमा पनि चोरिका घटना घटिरहेकाले सतर्कता अपनाउन सम्पूर्णमा अनुरोध गर्दछौ ।