कात्तिक २०, पाल्पा। सिद्धार्थ राजमार्गमा मोटरसाइकल दुर्घटना हुँदा एक जनाको मृत्यु भएको छ । जिल्ला प्रहरी कार्यालय पाल्पाका प्रहरी निरिक्षक सन्दिप बेल्वासेका अनुसार मृत्यु हुनेमा मोटरसाइकल पछाडि बस्ने २७ वर्षीय साबित्रा थापा रहेकी छन् ।
पाल्पा तानसेन नगरपालिका ८ गौडेस्थित सिद्दार्थ राजमार्गमा बुटवलबाट पाल्पा तर्फ आउँदै गरेको लु ८८ प ५५६५ नम्बरको मोटरसाइकल अनियन्त्रीत भई मंगलबार दिउँसो दुर्घटना भएको थियो ।
मोटरसाइकल सडकदेखि अन्दाजी ५० मिटर तल खाोलामा खस्दा चालक पाल्पाको तानसेन नगरपालिका ७ प्रभास बस्ने ४३ वर्षीय ईन्द बहादुर गाहा र मोटरसाइकल पछाडि बस्ने अन्दाजी २७ वर्षीय सावित्रा थापा घाइते भएका थिए ।
घाइतेहरुको उद्दार गरी उपचारको लागि लुम्बिनी मेडिकल कलेज प्रभास पठाइएको थियो ।
सावित्रा थापाको उपचारको क्रममा अस्पतालमा मृत्यु भएको प्रहरी निरीक्षक बेल्वासेले बताउनुभयो ।
घाइते मोटरसाइकल चालक ईन्द्र बहादुर थापाको अवस्था सिरीयस रहेको प्रहरीले बताएको छ । प्रहरीले घटनाको सम्बन्धमा आवश्यक अनुसन्धान गरिरहेको जनाएको छ ।