साबित्रा पौडेल, कार्तिक २० गुल्मी ।
गुल्मीको बलेटक्सार सङ्गितटोलमा हुन लागेको श्रीमद् भागवत् सप्ताह भक्ति ज्ञान महायज्ञको सम्पूर्ण तयारी पुरा भएको छ । श्री मानव सेवा माता पार्बती धर्मशालाको आयोजनामा जिल्लाको रुरुक्षेत्र गाउँपालिका ४ बलेटक्सार सङ्गितटोलमा भोलीदेखी २७ गते सम्म चल्ने महायज्ञको सम्पूर्ण तयारी पुरा भएको जनाइएको छ ।
महायज्ञमा स्वामी अर्जुन कृष्ण दासले अध्यात्मिक प्रवचन गर्नुहुनेछ भने आचार्य पण्डित यदु नन्दजी महाराजको उप वाचक रहनेछ ।
कार्तिक २१ देखी २७ गते सम्म चल्ने महायज्ञमा कथा वाचन पाठपारायण, हवन राष्ट्रिय स्तरका कलाकारहरुबाट भजन क्रितन, संगितमय कार्यक्रम, झाकी प्रदर्शन, लगायत विविध कार्यक्रम हुनेछन ।
कार्यक्रम अन्तर्गत यही कार्तिक २१ गते बिहान ९ बजे कलशयात्राा, ११ बजे औपचारिक उद्घाटन, प्रत्येक दिन बिहान ७ बजेदेखी ११ बजेसम्म (बेदपाठ, चण्डी पाठ, भागवत पाठ) तथा मध्याङ १२ बजेदेखी ४ बजेसम्म कथावाचन हुने आयोजकले जनाएको छ ।
यस्तै साझँ ९ बजेसम्म प्रत्येक दिन ३ जना गुरुहरुबाट महाआरती, भजनक्रितन, महात्मी कथा लगाय्तका कार्यक्रमह्रु हुनेछन भने कार्तिक २८ गते पूर्ण आहुती, गुरु बिदाइ तथा तिलार्चन गरिने आयोजकले जनाएको छ ।
वैदिक सनातन धर्मको रक्षा गर्ने उदेश्यले श्रीमद् भागवत् सप्ताह भक्ति ज्ञान महायज्ञको आयोजना गरेको श्री मानव सेवा माता पार्बती धर्मशालाले जनाएको छ ।