साबित्रा पौडेल , असार २० गुल्मी ।
मैनडाँडा माध्यमिक बिद्यालय छत्रकोट गाउँपालिका ३ हर्दीनेटा गुल्मीले माध्यमिक शिक्षा परिक्षा एसईइ २०८० मा उत्तिर्ण विद्यार्थीलाई सम्मान गरेको छ । बिद्यालयले आज एक कार्यक्रमका बिच माध्यमिक शिक्षा परिक्षा एसईइ २०८० मा उत्तिर्ण विद्यार्थीलाई सम्मान गरेको हो ।
बिद्यालयबाट माध्यमिक शिक्षा परिक्षा एसईइमा २५ जना विद्यार्थी सामेल भएकोमा १६ जना उत्तिर्ण भएका बिद्यालयले जनाएको छ ।
कार्यक्रममा बिद्यालय व्यवस्थापन समितिका अध्यक्ष बिष्णुप्रसाद शर्माको सभाध्यक्षता रहेको थियो । हर्दीनेटाका वडाध्यक्ष शेषकान्त अर्यालको प्रमुख आतिथ्यता रहेको कार्यक्रममा कार्यपालिका सदस्य देवीका पन्थको बिशिस्ट आतिथ्यता तथा वडा नं ३ का जनप्रतिनिधी एवं बिद्यालय व्यवस्थापना समितिका पदाधिकारीको आतिथ्यता रहेको थियो ।
माध्यमिक शिक्षा परिक्षा एसईइमा बिद्यालयका छात्र मोहित अर्याल ३.६८ GPA सहित बिद्यालयमै प्रथम बनेका थिए भने ४ विद्यार्थीहरु रक्षा पाण्डे , प्रतिक्षा न्यौपाने , अमित अर्याल र सुरज नेपाली A ग्रेडमा उत्तिर्ण भएका थिए ।
कार्यक्रमका प्रमुख अतिथी तथा ३ नं वडाका वडाध्यक्ष अर्यालले उत्तिर्ण विद्यार्थीलाई शुभकामना दिदै कक्षा १२ सम्म मैनडाँडा माध्यमिक बिद्यालयमै अध्ययन गर्न आग्रह गर्नुभयो ।
उहाँले पढाईको शिलशिलामा गर्नुपर्ने सहयोगको लागि वडा कार्यालय सदैव तत्पर रहेको उल्लेख गर्दै आगामी शैक्षिक सफलताको लागि शुभकामना ब्यक्त गर्नुभयो ।
कार्यक्रममा बिद्यालय व्यवस्थापन समितिका अध्यक्ष बिष्णुप्रसाद शर्माले बिद्यालय , विद्यार्थी , शिक्षक एवं अभिभावकको संयुक्त प्रयासबाट यो नतिजा प्राप्त गर्न सफल भएकोमा सम्पूर्णमा धन्यवाद दिनुभयो ।
बिद्यालयकी प्रधानाध्यापक अमृता थापा जिसिले गत बर्षको तुलनामा यस वर्षको नतिजामा धेरै सुधार आएको उल्लेख गर्नुहुँदै प्रयासरत सम्पूर्ण बिषयगत शिक्षक, विद्यार्थी र अभिभावकलाई धन्यवाद दिदै आगामी वर्षको नतिजामा अझै सुधार हुनेमा आफू आशावादी रहेको बताउनुभयो ।
कार्यक्रममा पूर्व प्रअ तथा पुर्व बिद्यालय व्यवस्थापन समितिका अध्यक्ष नरपती काफ्ले , पूर्व विद्यार्थी मञ्चका उपाध्यक्ष लेखनाथ कडेंल, पूर्व विद्यार्थी मञ्चकाका सदस्यहरुको उपस्थिती रहेको थियो ।
कार्यक्रममा उत्तिर्ण विद्यार्थीको तर्फबाट छात्रा रक्षा पाण्डेले आफूहरुलाई अध्यापन गराउने शिक्षकहरुलाई शुभकामना दिनुभयो । पुर्व प्रअ तथा पुर्व बिद्यालय व्यवस्थापन समितिका अध्यक्ष काफ्ले तथा कार्यक्रमकी बिशिस्ट अतिथी पन्थले शुभकामना मन्तव्य राख्नुभएको थियो भने कार्यक्रमको संचालन सहायक प्रअ श्रीराम खत्रिले गर्नुभएको थियो ।
