चैत्र २१ , गुल्मी।
गुल्मीको दौघामा महिलाहरुको लागी स्वास्थ्य सम्बन्धी नि:शुल्क घुम्ती शिविर सम्पन्न भएको छ ।
छत्रकोट गाउँपालिका स्वास्थ्य शाखाको आयोजनामा दौघा स्वास्थ्य चौकीमा सम्पन्न महिला सम्बन्धी नि:शुल्क स्वास्थ्य शिविरमा १७७ जना महिलाहरूले सेवा लिएका छन् ।
शिविरमा पाठेघरको मुखको स्क्रिनीङ सेवा, लामो समयको गर्भान्तरकाे लागि परिवार याेजना सम्बन्धी Implant सेवा, भि.डि.यो एक्सरे सेवा लगायतका अन्य महिला रोग सम्बन्धी स्वास्थ्य सेवाहरू उपलब्ध गराइएको थियो।
उद्घाटन कार्यक्रममा गाउँपालिका अध्यक्ष रामप्रसाद पाण्डे, दौघाका वडाध्यक्ष नारायण रेश्मी, गाउँपालिकाका स्वास्थ्य शाखा प्रमुख श्यामसुन्दर पोखरेल लगायत जनप्रतिनिधिहरूको उपस्थिति रहेको थियो।
महिला सम्बन्धी निःशुल्क स्वास्थ्य शिविरको गाउँपालिका उपाध्यक्ष साबित्रा ज्ञवालीले अनुगमन गर्नुभएको थियो। उहाँले महिलाको स्वास्थ्यलाई ध्यानमा राखि शिविर संचालन गरिएको बताउनुभयो ।
शिविरमा डाक्टर मनिष चौधरी, डाक्टर नारायण प्रसाद न्यौपाने, अ.न.मी.ओमकला सोमरे ,अ.न.मी. समिक्षा पन्थ, सि.अ.न.मी भगवती ज्ञवाली, सि.अ.न.मी. तारा ज्ञवाली, स्वास्थ्य चौकी प्रमुख ठाकुर ज्ञवाली ,अ.हे.व.अजय गोजेवार,अ.हे.व. सुष्मा सारु अ.हे.व. तिल कुमारी थापा अ.न.मी. कविता ज्ञवाली,का.स. मीना लम्तेरी तथा स्थानीय सामुदायिक महिला स्वास्थ्य स्वयंसेविका द्वारा सेवा प्रदान गरिएको थियो।
सि.अ.हे.व. सपना टण्डन र स्टाफ नर्स मुना राना सर्तुङ्गेको सहजिकरणमा सम्पन्न शिविरको व्यवस्थापन स्वास्थ्य शाखा प्रमुख श्याम सुन्दर पोखरेलले गर्नु भएको थियो ।
शिविर उत्साहजनक रुपमा सफल भएको स्वास्थ्य शाखा प्रमुख श्याम सुन्दर पोखरेलको भनाइ छ ।