बैशाख २१, गुल्मी ।
गुल्मीको रेसुङ्गा नगरपालिका २ छापटोलामा घाँस काट्ने क्रममा लडेर एक जना महिलाको मृत्यु भएको छ ।
मृत्यु हुनेमा छापटोला निवासी ४३ वर्षकी खुमकला थापाको रहेको जिल्ला प्रहरी कार्यालय गुल्मीले जनाएको छ ।
घाँस काट्ने क्रममा लडेर घाइते भएकी थापालाई उपचारका लागि गुल्मी जिल्ला अस्पतालमा पुर्याइएको थियो ।
उनको उपचारको क्रममा मृत्यु भएको र घटनाबारे थप अनुसन्धान भइरहेको प्रहरीले जनाएको छ ।