साबित्रा पौडेल, कार्तिक १७ गुल्मी ।
अर्घाखाँचीमा राति ९ बजेपछि देउसी भैलो खेल्न नपाईने भएको छ ।
जिल्ला प्रशासन कार्यालय अर्घाखाँचीले एक सूचना जारी गर्दै परम्परागत रुपमा चलिआएको संस्कृतिको जगेर्नासँगै मर्यादित तथा अनुशासित रुपमा राती ९ बजेसम्म मात्र देउसी भैलो खेल्न आग्रह गरेको हो ।
जिल्ला प्रशासन कार्यालय अर्घाखाँचीका सहायक प्रमुख जिल्ला अधिकारी बाबुराम अर्यालका अनुसार शान्ती सुरक्षालाई मध्यनजर गर्दै यस्तो निर्णय गरिएको जानकारी दिनुभयो ।
यसैबिच पटाका, आतिशबाजी, जुवा, तास मादक पदार्थ सेवनलगायतका गतिविधिमा संलग्न नहुन समेत सबैमा जिल्ला प्रशासन कार्यालय अर्घाखाँचीले अनुरोध गरेको छ ।
नियम विपरित कुनै पनि कार्य गरेमा कानुनबमोजिम कारबाही गरिने प्रशासनले चेतावनी समेत दिएको छ ।