साबित्रा पौडेल, कार्तिक १७ गुल्मी ।
बाग्लुङमा साविक वडा स्तरीय पुरुष भलिबल प्रतियोगिता तथा खुल्ला सामुहिक नृत्य प्रतियोगिता हुने भएको छ ।
मिलिजुली एकता साँस्कृतिक मञ्च बरेङ ३ खाल्ले बागलुङको आयोजनामा साविक वडा स्तरीय पुरुष भलिबल प्रतियोगिता तथा खुल्ला सामुहिक नृत्य प्रतियोगिता,भु.पु भलिबल प्रतियोगिता, एकल नृत्य प्रतियोगिता,एकल लोकगित प्रतियोगिता,musical chair, लगायत विविध प्रतियोगिता तथा कार्यक्रमहरु हुने भएका छन ।
साविक वडा स्तरीय पुरुष भलिबल प्रतियोगितामा प्रथम हुने समूहलाई नगद रु. ५० हजार ५५५ र द्वितीय हुने समूहलाई नगद रु. ३० हजार ३३३ रुपैयाँ र ट्रफी,मेडल र प्रमाणप्रदान गरिनेछ । यस्तै प्रतियोगितामा तृतीय कुनै समूहलाई नगद रु. १६ हजार ६६० र सान्त्वना हुने समूहलाई नगद रु. ८ हजार ८८० रुपैयाँ र ट्रफी,मेडल र प्रमाणप्रदान गरिने खेल संयोजक मौसम बोहोराले जानकारी दिनुभयो ।
प्रतियोगिताको लागि दर्ता शुल्क नगद रु. ३००० लाग्नेछ। भने खेल टिटि सिस्टमबाट खेलाइनेछ।
खुल्ला सामूहिक नृत्य प्रतियोगितामा प्रथम हुने समूहलाई नगद रु. ६ हजार र प्रमाणपत्र, द्वितीय हुने समूहलाई नगद रु. ४००० र प्रमाणपत्र तथा सान्त्वना हुने समूहलाई नगद रु. ३००० र प्रमाणपत्र प्रदान गरिने संयोजक सूर्य बोहोराले जानकारी दिनुभयो ।
प्रतियोगितामा दर्ता शुल्क नगद रु. ५०० लाग्नेछ भने सामूहिक नृत्यलाई प्राथमिकता दिइने संयोजक बोहराले जानकारी दिनुभयो।
यस्तै भुपू भलिबल प्रतियोगितामा प्रथम हुने समूहलाई लोकल बोका तथा द्वितीय हुने समूहलाई लोकल भाले सहित मेडल र प्रमाणपत्र प्रदान गरिनेछ।
प्रतियोगिताको लागि दर्ता शुल्क नगद रु. १५ सय लाग्नेछ भने खेलाडी सङ्ख्या ७ जना हुनुपर्नेछ।
एकल नृत्य प्रतियोगितामा प्रथम हुने समूहलाई नगद रु. ३००० द्वितीय हुने समूहलाई नगद रु.२००० र तृतीय हुने समूहलाई नगद रु. १००० तथा प्रमाणपत्र प्रदान गरिने सांस्कृतिक संयोजक कालु विकले जानकारी दिनुभयो ।
एकल नृत्य प्रतियोगिताको लागि दर्ता शुल्क नगद रु. ३०० लाग्नेछ ।
एकल लोक गीत प्रतियोगितामा प्रथम हुने समूहलाई नगद रु. १५०० र द्वितीय हुने समूहलाई नगद रु. १००० र प्रमाणपत्र प्रदान गरिने संयोजक राजकुमार बिकले जानकारी दिनुभयो ।
एकल लोकगीत प्रतियोगितामा दर्ता शुल्क नगद रु. २०० लाग्नेछ।
प्रतियोगिता यहि कार्तिक २१ गतेदेखि २६ गतेसम्म संचालन हुनेछ। साथै कार्यक्रममा राष्ट्रिय तथा स्थानिय कलाकारहरुको पनि बेजोड सांगितिक प्रस्तुती रहनेछ ।
