संस्थापक सदस्य पदमलाल श्रेष्ठको अकल्पनीय निधनप्रति रेडियो श्रृङ्गेश्वर परिवार गहिरो शोक व्यक्त गर्दछ ।
कात्तिक १६ गुल्मी, विश्वनाथ पाण्डे/ रेडियो श्रृङ्गेश्वर एफ् एम् का संस्थापक सदस्य पदमलाल श्रेष्ठको निधन भएको छ ।
जण्डिस तथा निमोनियाबाट ग्रस्त श्रेष्ठको उपचारका क्रममा गएराती निधन भएको हो ।
केही दिनअघि देखिएको सामान्य ज्वरो र निमोनिया बढ्दै गएपछि उहाँलाई लुम्बिनी प्रादेशिक अस्पताल बुटवलमा भर्ना गरिएको र उपचारका क्रममा निधन भएको पारिवारिक श्रोतले जनाएको छ ।
उहाँ नेकपा एमाले रुरुक्षेत्र गाउँपालिका वडा नं। ५ का वडा कमीटी अध्यक्ष समेत हुनुहुन्छ ।
रेडियोका बोर्ड समिती अध्यक्ष धातानन्द भुसाल र स्टेशन म्यानेजर इश्वरी बस्यालले एक शोक वक्तव्य जारी गर्दै श्रेष्ठको निधनले एक उर्जावान्, जुझारु, तथा कर्मठ सामाजिक योद्धा गुमाउनुपरेको उल्लेख गर्नुभएको छ ।
साथै दिवंगत श्रेष्ठको आत्मा शान्तिको कामना गर्दै शोक सन्तप्त परिवारजनप्रति समवेदना प्रकट गर्नुभएको छ ।
श्रेष्ठको आजै रिडीमा अन्तेष्टि गर्ने तयारी छ ।