साबित्रा पौडेल,चैत १९, गुल्मी ।
गुल्मीको बलेटक्सार सङ्गीतटोलमा श्रीमद् देवी भागवत महापुराण नवाह ज्ञान महायज्ञ हुने भएको छ।
यहीँ चैत २७ गतेदेखि २०८१ साल बैशाख ५ गतेसम्म श्रीमद् देवी भागवत महापुराण नवाह ज्ञान महायज्ञ हुने भएको हो ।
मानव सेवा माता पार्वती धर्मशालाको आयोजनामा हुन लागेको महायज्ञमा कथा वाचक ईश्वर रेग्मीको मुखारविन्दुबाट कथा प्रवचन हुनेछ । चैत २७ गते बिहान ८ : ३० बजे कलश यात्रा तथा बिहान ११ : ३० बजे महायज्ञको उद्घाटन गरिने छ ।
प्रत्येक दिन बिहान साढे ७ बजेदेखि ११ बजेसम्म वेद पाठ , चण्डी पाठ , रुद्री पाठ , भागवत पाठ , हवन , मध्याह्न १२ बजेदेखि ४ बजेसम्म कथा वाचन , साँझ साढे ६ बजेदेखि महारथी भजन किर्तन , देवलीलासहित महात्मय कथा , बैशाख ६ गते पूर्ण आहुती , तिलक पाती , लक्ष्यबत्ती प्रज्वलन , यज्ञ समापन तथा गुरुहरुको बिदाई कार्यक्रमको आयोजना गरिएको छ ।
सम्पुर्ण दिवङ्गत आत्माको बैकुण्ठबास तथा पितृ उद्धार एवं वैदिक सनातन धर्मको संरक्षण गर्ने उद्देश्यले महायज्ञको आयोजना गरिएको आयोजकले जनाएको छ ।