साबित्रा पौडेल , फागुन १८ गुल्मी ।
अर्घाखाँचीको पाणिनी गाउँपालिकामा “सातौं पाणिनी दुर्वाशेश्वर प्रयटन महोत्सव २०८०” लाग्ने भएको छ ।
पाणिनी प्रयटन समाजको आयोजनामा ” हाम्रो पाणिनी राम्रो पाणिनी ” भन्ने नारा सहित यहीँ फागुन २४ गतेदेखि २८ गतेसम्म महोत्सव लाग्ने भएको हो ।
महाशिवरात्रीको अवसर पारी हुन लागेको महोत्सवमा चर्चित कलाकारहरु एलिना चौवान , कुशल बेल्वासे , ज्योति मगर , श्याम राना वसन्त लम्साल , योगराज पोख्रेल ,हास्य कलाकार धुर्मुस-सुन्तली लगायत दर्जनौ राष्ट्रिय तथा स्थानीय कलाकारहरुको बेजोड प्रस्तुति रहने पाणिनी प्रयटन समाजका अध्यक्ष झविन सुनामले बताउनुभयो ।
यस्तै, महोत्सवमा पाणिनी गाउँपालिका स्तरीय भलिबल प्रतियोगिता , पाणिनी डान्स आईडल , लोक भजन प्रतियोगिता लगायत विविध प्रतियोगिता हुने भएका छन ।
महोत्सवमा ७० स्टल रहने छन भने गाउँपालिकाको पहिचान सँगै स्थानिय धार्मिक पर्यटकीय क्षेत्रको प्रचारप्रचारलाई समेत जोड दिइने पाणिनी प्रयटन समाजका उपाध्यक्ष धुव्र घिमिरेले बताउनुभयो ।
यस्तै , गाउँपालिकामा आन्तरिक तथा बाह्य पर्यटकहरूको आवागमन वृद्धि गर्न एवं स्थानीय उत्पादनलाई प्रवर्द्धन गर्नका लागि महोत्सवको आयोजना गरिएको उहाँको भनाई छ ।
५ दिनसम्म चल्ने महोत्सव फागुन २४ गते बिहान १० बजेदेखि पाणिनी गाउँपालिका ३ खिदिमको दुर्गाफाँटमा संचालन हुनेछ ।
पाणिनी प्रयटन समाजको आयोजनामा हुन लागेको महोत्सवमा पाणिनी गाउँपालिका संरक्षक , भिजन लुम्बिनी इन्टरटेन्मेन्ट प्रालि काठमाडौँ मुख्य आयोजक र प्रयटन विकास परिषद प्रदेश कार्यालय रुपन्देही प्रबर्द्धक रहेको छ ।
यस्तै गाउँपालिका भित्र रहेका ८ वटै वडाहरु आयोजकको रुपमा रहनेछ्न ।