
साबित्रा पौडेल, पुस १३ गुल्मी।
गुल्मीमा टिप्पर दुर्घटना हुँदा एकजनाको मृत्यु भएको छ । भने एकजना घाइते भएका छन्।
जिल्लाको रुरु क्षेत्र गाउँपालिका १ रिडीबाट पुर्तिघाटतर्फ गिट्टी लिएर जाँदै गरेको लु १ क ५४०० नम्बरको टिप्पर गएराती कालीगण्डकी करिडोर अन्तर्गत सत्यवती गाउँपालिकाको वडा नम्बर २ पाहादीमा दुर्घटना भएको थियो।
मृत्यु हुनेमा टिप्पर चालक पाल्पाको रैनादेवी छहरा गाउँपालिका १ का २४ वर्षीय श्रीराम कुमाल रहेका जिल्ला प्रहरी कार्यालय गुल्मीले जनाएको छ।
घाइते उनलाई उपचारको लागि अस्पताल लगिएकोमा डाक्टरले मृतक घोषणा गरेको हो।
टिप्पर सडकबाट अन्दाजी २० मिटर तल खसेको थियो।
दुर्घटनामा टिप्पर चालक सल्यानको बनगाउँ ७ का मोहन जैसी घाइते भएका छन् । aaउनको अवस्था सामान्य छ।