दीपमा तीज गीत नृत्य प्रतियोगिता सम्पन्न

भदौ २५, बुटवल :

दीप बोर्डिङ हाई स्कूलले तीज पर्वको अवसरमा विभिन्न तहमा तीज गीत नृत्य प्रतियोगिता सम्पन्न गरेको छ ।
जुम एप मार्फत भर्चुअल रूपमा गरिएको तीज गीत नृत्य प्रतियोगिता मध्ये नृत्यकार विजया थापाको संयोजकत्वमा सम्पन्न कक्षा नर्सरी र केजीको प्रतियोगितामा कक्षा केजीकी रस्बिन हमाल प्रथम, कक्षा केजीकै पिया सारुले द्वितीय र कक्षा नर्सरीकी फरिजा खातुन तृतीय स्थान हासिल गरेका छन् भने कक्षा १ देखि ३ सम्मको प्रतियोतिामा कक्षा २ की सगुन गैरे प्रथम, कक्षा ३ की सम्पदा दर्नाल द्वितीय, कक्षा १ की समिस्ता गुरागाई तृतीय र कक्षा २ की रिदिमा टन्डनले सान्त्वना स्थान हासिल गरेका छन् ।
त्यसैगरी नृत्य प्रशिक्षक किशोर थापाको संयोजकत्वमा सम्पन्न कक्षा ४ देखि ६ सम्मको प्रतियोगितामा कक्षा ६ की आर्या गौतम प्रथम, कक्षा ६ कै आर्या गैरे द्वितीय र कक्षा ५ की स्नेहा खत्री तृतीय र कक्षा ५ कै ईशु टन्डन तथा सिम्रन अधिकारीले सान्त्वना स्थान हासिल गरेका थिए भने कक्षा ७ देखि १० सम्मको प्रतियोगितामा कक्षा ७ का विद्यार्थीहरू ईशा कुँवर प्रथम, सिजल पाण्डे द्वितीय, सम्झना कुँवर र हर्षिता क्षेत्री तृतीय र सचिना पुरीले सान्त्वना स्थान हासिल गरेका छन् ।


भौतिक रूपमा विद्यालय नखुलेको अवस्थामा विद्यार्थीहरूमा रहेको प्रतिभालाई उजागर गर्ने र उनीहरूलाई रचनात्मक तथा सिर्जनात्मक कार्यमा उत्प्रेरित गर्ने उद्देश्यले प्रतियोगिता आयोजना गरिएको कुरा विद्यालयका प्राचार्य टीकाराम न्यौपानेले बताउनुभयो ।
दीप बोर्डिङ हाई स्कूलका उपप्राचार्य तथा अतिरिक्त क्रियाकलाप विभाग प्रमुख सुरेन्द्र कुमार शाक्यको अध्यक्षता, विद्यालय व्यवस्थापन समितिका अध्यक्ष राजेन्द्र प्रसाद ध्वजूको प्रमुख आतिथ्यता, उपाध्यक्ष उमाकान्त चापागाई, प्राचार्य टीकाराम न्यौपाने, उपप्राचार्य ज्ञानु थापा लगायतको आतिथ्यतामा सम्पन्न प्रतियोगितामा नृत्य प्रशिक्षक किशोर थापा, नृत्यकार विजया थापा र सामाजिक विषय प्रमुख अमर खत्रीले निर्णायकको भूमिका निर्वाह गर्नुभएको थियो भने कार्यक्रमको सञ्चालन सङ्गीतकार विजय सापकोटा र पुरुषोत्तम पाण्डेयले गर्नुभएको थियो ।
प्रतियोगितामा अनिल पङ्गेनी, श्याम बस्याल र विन्देश्वर शाहले प्रविधि संयोजन गर्नुभएको थियो ।

यो खबर पढेर तपाईलाई कस्तो महसुस भयो ?
यहाँबाट सेयर गर्नुहोस