साबित्रा पौडेल, पौष २७ गुल्मी ।
माघे संक्रान्ती मेलाको अवसर पारी गुल्मीको रुरुक्षेत्र गाउँपालिका रिडिमा जिल्ला स्तरिय कृषि मेला प्रदर्शनी हुने भएको छ ।
रुरुक्षेत्र गाउँपालिका ,छत्रकोट गाउँपालिका, सत्यवती गाउँपालिका र कृषि ज्ञान केन्द्र गुल्मीको आयोजना तथा प्रधानमन्त्री कृषि आयोजनाको सहआयोजनामा कृषि प्रदर्शनी मेला लाग्ने भएको हो ।
यहीँ पौष २९ गतेदेखि माघ ३ गतेसम्म संचालन हुने कृषि प्रदर्शनी मेलामा गुल्मी जिल्ला भित्रका कृषकहरुले आफूले उत्पादन गरेको कृषिजन्य बस्तुहरुको साथमा रैथाने बालीको समेत प्रदर्शनी गराउन सक्ने छन ।
मेलामा उत्कृष्ट हुने कृषकलाई पुरस्कारको पनि व्यवस्था गरिएको छ ।