बुटवल। विश्व रेडक्रस दिवसको अवसरमा छ्त्रदेव परिवर्तनशिल युवा संजाल छ्त्रदेव ६ अर्घाखाँची द्वारा रक्तदान कार्यक्रम सम्पन भएको छ ।
दिवसको उपलक्ष्यमा संजालले बुटवल स्थित रक्तसञ्चारको कार्यालयमा रक्तदान कार्यक्रम सम्पन गरेको हो ।
रक्तदाता स्वंयमसेवी समाजका अध्यक्ष कृष्ण चौवान क्षेत्रीको प्रमुख आतिथ्यतामा सम्पन्न उक्त कार्यक्रममा ५५ जनाले रक्तदान गरेको रक्तदान कार्यक्रमका संयोजक एवं युवा संजालका सदस्य बिनोद पाण्डेले जानकारी दिए।
कार्यक्रममा बोल्दै प्रमुख अतिथि चौवानले रक्तदान जस्तो पवित्र कार्यक्रम आयोजना गरेकोमा युवा संजाललाई धन्यवाद दिँदै युवा संजालको नाम जस्तै आगामी दिनहरुमा परिवर्तनशिल कार्यका समेत शुभकामना दिएका छन् ।
छत्रदेव परिवर्तनशिल युवा संजालले बेला बेलामा सक्रिय रुपमा विभिन्न कार्यक्रमहरु आयोजना गर्दै आईरहेको छ ।