चैत्र २०, गुल्मी।
गुल्मीको रुरु क्षेत्र गाउँपालिकामा आँखाको जाँच तथा मोतिया बिन्दुको अप्रेसन शिविर सञ्चालन हुने भएको छ।
यही चैत्र २१ र २२ गते रुरु प्राथमिक स्वास्थ्य केन्द्र रिडीमा आँखाको जाँच तथा मोतिया बिन्दुको अप्रेसन शिविर सञ्चालन हुने भएको हो।
रुरुक्षेत्र गाउँपालिका गुल्मी, नेपाल नेत्र ज्योति संघ जिल्ला शाखा गुल्मी, जिल्ला आँखा उपचार तथा शल्यक्रिया केन्द्र तम्घास गुल्मी र गुल्मी उद्योग वाणिज्य सङ्घ रिडी शाखाको आयोजनामा सञ्चालन हुने शिविर बिहान ८ बजेदेखि सुरु हुनेछ।
शिविरमा छनोट भएका मोतियाबिन्दुको अप्रेसन गर्नुपर्ने बिरामीहरूको निःशुल्क अप्रेसन गरिनेछ भने अन्य बिरामीहरूको लागि औषधि तथा चस्माको न्यूनतम शुल्क लाग्ने गाउँपालिकाले जनाएको छ ।